| ADAT PANGOLI ANAK |
Patua Hata
Ditulis oleh Tim Adat PSDBJ (2025)
Patua hata ima lanjutan ni Marhori-hori Dinding. Di ulaon on rombongan ni pihak paranak, ima suhut, di di dongani haha/anggina dohot boruna, berkunjung tu bagas ni parboru. Dang mamboan tudu-tudu ni sipanganon nasida, saema holan buah tangan manang oleh-oleh. Boi do mamboan sipanganan naso bersifat adat asa rap dipangan di bagas ni parboru. Ulaon on laos diuduti do somalna dohot Marhusip.
Ulaon saompu manang saripe do on, alai naeng ma nian parhata naung talup manang naung boi sipatujoloon di ompu i na manguluhon, asa tangkas pahataion jala rurut angka siulaon.
Ingkon malo parhata di ulaon on, lambok jala raja di panghataion, ai di ulaon on ma tarida pangaririton na marlaok umpasa-umpasa na uli.
Judul ni ulaon Patua Hata, na marlapatan ma i asa sahat tu pamotoan ni natua-tua ma pardonganon ni siboru dohot sidoli, ndang holan di naposo be, nunga parbinoto natua-tuana be, jala nunga marsitutu bogasna lao marbagas tu parsaripean (diposting admin_paradaton dengan minor editing tanpa mengubah isi).