| PEDOMAN ADAT PSDBJ |
GOKKON DOHOT JOU-JOU
Ditulis oleh Tim Adat PSDBJ (2025)
Molo jinaha angka Gokkon Jou-jou na ro saleleng on, porsea (yakin) do roha ndang hea konsultasi suhut i tingki laho mambahen/mancetak undangan tu parbinoto manang tu pengurus punguan ni ompu manang margana. Alana, godangan do maniru undangan naung adong, nda holan mangganti goar-goar ni angka pengundangna nama, manang mangganti parboru (di kartu undangan na ditiru) gabe paranak. Umbahen ido sipata marpilitan idaon ni na mangantusi.
Adong do tolu bentuk Undangan di pesta/ulaon ni halak Batak Toba, ima:
- Undangan Nasional (Berbahasa Indonesia)
- Undangan Adat (Gokkon Jou-jou)
- Undangan Hata (Tona)
UNDANGAN NASIONAL
Undangan ini menggunakan bahasa Indonesia dan tidak dimaksudkan kepada warga Dalihan Na Tolu yang tidak mengerti bahasa Batak, (Adat Batak sudah meliputi harus Bahasa Batak), tetapi untuk kerabat keluarga diluar dari Dalihan Na Tolu, misalnya: Rekan rekan, teman kantor, kolega bisnis, lingkungan warga, teman sekolah, dll.
Oleh karena tujuannya adalah ke rekan-rekan, teman kantor, kolega bisnis, lingkungan warga, teman sekolah, dan lain-lain, berarti seluruh anggota keluarga hasuhuton (Bapak/Ibu/Putra/Putri) diperbolehkan mengundang rekan rekan mereka, teman kantor, kolega bisnis, atau teman sekolahnya. Untuk itu, nama mereka turut dicantumkan diundangan sebagai pengundang.
UNDANGAN ADAT (GOKKON dohot JOU-JOU)
Godang do bahasan manang tafsiran ni angka namalo saonari on taringot tu hata GOKKON dohot JOU-JOU. Adong mambahen GOKHON dohot JOU-JOU, adong mandok GONG HON dohot JOU-JOU. Godang do buku Batak na membahas on, alani ndang pola bahasonta i dison.
Naparjolo siparrohahononta redaksi ni undangan.
Adong do tanda-tanda tertentu (kode) naung dos pangalapation ni umum patoranghon ulaon i :
- Goar ni ianakhonta do tarsurat di parginjang, paranak manang parboru pe hita, dung i pe asa goarni hela manang parumaen i.
- Molo paranak hita, bahenonta ma goar ni natoras ni parumaen i di toru, contoh:
Boru ni Laenami Ir. G. Siahaan, tubu ni Inangbaonami Y. Br. Hutapea, sian huta Bekasi
- Molo na niain do parumaen i, tarsurat ma disi : Boru ni Laenami Ir G. Siahaan / Br. Hutapea, sian huta Bekasi (Garis miring do, ndang pake tubu ni), na marlapatan do i sorang magodang siboru parumaen i, manang na diain gabe boru Siahaan.
Jala ndang dohot natoras pangintubu ni na niain i pengundang di Gokkon dohot Joujou. Muse ndang surathononhon di undangan i na sorang magodang (na niain) na naeng parumaen manang hela.
Catatan: Ingkon tangkas do on paboaon tu hasuhuton; adat Batak do naniulahon, ndang resepsi, unang salah persepsi nasida.
- Sian redaksi ni Gokkon Jou-jou i pintor boto on do ise bolahan amak di ulaon i. Isarana disurathon:
“… udurma hita tu inganan naung huparade hami, atau naung pinatudu ni hulahula/pamoruonnami..” (tangkas tarida ise bolahan amak di soara ni surat on)
- Molo Gokkon ni Paranak do, sai ingkon hata “… pasahathon huhut manjalo adat … Hata pasahathon do parjolo. Molo parboru, hata …. manjalo dohot pasahathon adat nahombar tu….”
- Pengundang/Namanggokkon (tertulis di undangan i), goar ni natoras, dungi angka ianakkonna naung marhasohotan namaradat. (saudara kandung ni pengantin naung marhasohotan) Baoa dohot Boru naung marhamulian sian adat.
- Ndang dohot Pengantin pengundang di Gokkon-Joujou (Undangan Adat).
- Ndang dohot ompung, bapatua, bapauda disi, kecuali molo mangamai. Dohot Manggokkon do status nasida.
- Ndang boi pengundang na so mangadati dope. Ndang boi dope i manjalo Ulos. Suang songon i nang mangulosi pe dang boi dope.
Dohot Manggokkon
Sai jotjot do binege komentar ni dongan naso mangantusi.
Boasa pola surathononhon DOHOT MANGGOKKON, boasa ikkon adong hata Dohot i?
Pangantusionna :
Adong Suhut, adong do Hasuhuton… Sahasuhuton do au dohot anggiku, dht Amangtuangku, dohot Amangudakku, Ama/ompung martinodohon pe, dohot hami na sa ompu di puguan ni ompunami, , mangadopi Bona Tulang di hami
Ingkon sahasuhuton do suhut maradophon naniadopanna. Saripe/sasuhut do au dohot anggingku, dohot hahanghu mangadopi Tulangnami, alai dang sasuhut au dohot anggingku mangadopi hulahulangku. Ndang boi au sahulahula dohot anggingku. Ima nanidok martampuk bulung marbona sangkalan, marnata do suhut marnampunasa ugasan.
Jadi molo manggokkon au ala Pangolianak au, ndang dohot anggingku na pangolianak disi. Au do na pangoli anak, parsidohot manggokkon ma anggingku goaron. Ai dang saTulang anakkonhu dohot ianakkon ni anggingku.
Alani i, ingkon denggan do marurut na Dohot Manggokkon i. Denggan maraturan martangga panjojori : ompung suhut, bapatua, bapauda, namboru, sarurut ni suhut, tutur sekandung, sa among, sa ompung, dungi nangkok tu ginjang.
Jala tangkas disurathon pardihana : Amangtuana, Amangudana, Hahana, Amangboruna, Laena, (unang dibaen Abangna, kakakna, dang hata adat i). Dipartoru ma punguan hasadaan ni ompu i (saripe), dungi punguan ni Marga i.
Molo nunga marpahompu, disurathon ma goar mar ompu na i, ima goar hatuaon. Alai anggo mar ama ni dope, dang pola surathononhon, ai ndang goar tulut dope i.
Ai Ama ni Harapan, ama ni Paima pe adong do, hape marganti do i sogot. Alai ianggo ompu ndang marganti be).
Dohot Manghalashon
Ima Tulang ni pangoli/borumuli.
Angka Hula-hula tangkas horong na kandung. Alai sai tong do i tergantung hasuhuton, ai boi do tarida dison jonok partubu jonohan parhundul, di parsaoran nang diparadaton nasida siganup ari marhulahula marboru. Alai ianggo namanjalo Upa Tulang i ingkon Tulang Tangkas ma.
Hepeng di Bagasan Gokkon-Jou-jou
Molo pamuli boru sai adong amplop namarisi hepeng gokkon i tu dongantubu. Togu-togu ro ninna. Molo tu namardongan tubu sinamot nama lapatan ni i. Alai, i ma hasomalan nabinereng, Tu Hulahula dohot Tulang, Togu-togu ro ma didok.
Dinapangoli anak, ndang mar amplop di gokkon i tu dongantubu, alai tu Hula-hula dohot Tulang tetap do adong. Ima di parserahan on.
UNDANGAN TONA / HATA
Sipata ummarga do molo langsung nidok hata lao manggokkon asa ro tu ulaon niba. Jala ido namasa na jolo. Mardalan do panggokkon, manggokkon manjou asa ro hita mangadopi ulaon i, jojor ma digokkon sude nasahuta i. Laos tu huta na dao tahe borhat do panggokkon manjou manang mangalapi molo adong ulaon.
Adong muse dope Gokkon i melalui Tona, Ditonahon melalui pamolus paboa naeng marulaon. Sah do i, ai idope alat komunikasi najolo, ndang merasa tersinggung roha disi. Toe ma i ala ni daona dohot maol ni dalan/transportasi hatiha i.
Saonari on nunga masa undangan lewat telepon manang pesan (SMS/WA) ala ni kemajuan. Dang pola tersinggung roha disi ai alani dao ni tempat manang huta do. Nihalashon ma, nunga ummura nuaeng on ala nikemajuan zaman on.
Nahira so tarjalo umum molo pesan, tona, telepon ni namangundang i sian tutur na dumao tu najumonok. Alani i di ruhut-ruhut ni tutur na jumonok ma nian tu nahumolang. Unang do gabe halak mangundang hita diulaon ta (di-posting oleh admin).