Marhata Sinamot

Marhata Sinamot

Ditulis Tim Adat PSDB (2025)

Na saleleng on di PSDB Jabodetabek, nang disude marga tahe na di Jabodetabek on, dang dipamasa Marhata Sinamot, husip-husip na gogo nama diula, alasanna ala so disi Hula-hula. Ai ido tutu ndang sihataan ni kedua belah pihak (paranak dohot parboru) be Sinamot, Pudun Saut, sip-sip ndang parbinoto Hula-hula. Gabe didok ma goarna Husip-husip na gogo, hape nunga pala sude impas dihatai disi sinamot i, suhi ni ampang naopat, panandaion, parjambaran dohot ulos di husip-husip na gogo i …

Di unjuk (di mangajana) nama diulahon Marhata Sinamot, asa  songon na tongam dope idaon angka parhata i Marhata Sinamot, dipaula songon na Marhata Sinamot dijolo ni Hula2, pahabis-habis tingki.

Alani i, kesepakatan ni sude marga Batak Toba di Jabodetabek on dengan dasar Efektif-Efisien dan Esesial (LABB, 13 Maret 2025) sude ma mangulahon ulaon MARHATA SINAMOT dung sidung manang sebelum MARTUMPOL, ala ro muse do hula-hula di partumpolon i.

Ala diulaon on do rimpunan ni sude na naeng siulaon di unjukna, naeng ma nian angka parhata naung talup di ompu i manguluhon, naung boi sipatujoloon, asa tangkas panghataion dohot ruhut2 ni angka siulaon. Ingkon malo ma parhata dison, lambok jala raja di panghataion, ai dison ma tarida hata pangaririton na marlaok umpasa-umpasa nauli.

Jala di ulaon unjukna haduan,  ndang adong be marhata sinamot, alai pasahat Panggohi ni Sinamot nama.

PELAKSANAAN:

1. 1. Parboru Bolahan Amak.
   2. Paranak dohot Parboru mangundang   keluarga  na mewakili Dongantubu, Boru-Bere, Hula-hula dohot Dongan Sahuta; peserta Marhata Sinamot :
      • Dongantubu
      • Boru – Bere
      • Dongan Sahuta
      • Hula-hula
      • Calon Pengantin
   3. Paranak do na paradehon sipanganon tu na Marhata Sinamot.
   4. Paranak mamboan Tudu-tudu Ni Sipanganon, Parboru parade Dengke. Lao marsipanganon, Paranak pasahat Tudu2 ni Sipanganon, Parboru pasahathon dengke.
   5. Tangiang mangan sian Paranak.
   6. Tudu-tudu ni Sipanganon adalah JAMBAR (bukan surung2 ni parboru). Parbagi ni jambar songon naung somal diulahon, jolo masisisean.
   7. Paranak dohot Parboru manghatai masisisean songon na somal laho manghatai; daulat ni sipanganon, sitangkasna, dst, dst.
   8. Di panghataion on NDANG MARDALAN PINGGAN PANUNGKUNAN.
   9. Nadihatai untuk disepakati:
      • Rumang ni ulaon: Alap Jual manang Taruhon Jual (Ise bolahan amak).
      • Partingkian dohot inganan Pamasu-masuon.
      • Inganan unjuk (ulaon Adat), partingkian dohot inganan Masibuhabuhai (dipastikan Masibuha-buhai atau Sarapan).
      • Balga ni Sinamot.
      • Panjuhutina dohot parbagi ni Parjambaran.
      • Godang ni Ulos Herbang, dohot Ulos Holong.
      • Torop ni Gokkon (bidang ni alaman), dohot angka na asing.
   10. Ditingki panghataion, pihak Paranak dohot pihak Parboru patamahon panghataion (minta pendapat) tu: Dongantubu, Boru, Dongan Sahuta  dohot Hula-hula.
   11. Paranak pasahat BOHI NI SINAMOT tu parboru (bukan Patujolo ni Sinamot).
   12. Suhi ni Ampang na opat dohot Todoan namangihut (panandaion) dipasahat Paranak tu Parboru dimata ni ulaon.
   13. Pinggan panganan tu Parboru dohot Ulos Tinonun Sadari tu Paranak, masinangkohi tangga ni balatukna be, dipasahat di mata ni ulaon.
   14. Dinamangujungi ulaon Marhata Sinamot dipadalan Ingot2, disaksikan oleh kedua Calon Pengantin CATATAN :

(Boi do dipatupa mandok hata paingothon/mamodai calon Pengantin).

CATATAN PENTING: Marhata Sinamot dapat dilaksanakan sebelum atau sesudah Martumpol.

(diposting oleh admin_paradaton dengan minor editing tanpa mengubah isi).