Marhori-hori Dinding

Ditulis Oleh: Tim Adat PSDBJ

Tujuan ni Marhori-hori Dinding ima laho marsitandaan kedua belah pihak na naeng mertondong, laos disi ma disolukhon pangidoan ni paranak.

Ulaon saama do na marhori-hori dinding (ulaon ni suhut), ima acara marsitandaan keluarga ni pihak paranak dohot parboru. Molo binege turi-turian ni angka natua-tua, andul simpel nihilala ulaon si saonarion, praktis, tangkas jala akurat. Ianggo najolo, domu-domu (perantara) tu domu-domu (perantara) do na berperan pasauthon ulaon i. Hampir menyerupai makelar manang “mak comblang” di istilah umum. Boi niantusan, alana najolo jarang do marsibotoan, apalagi marsitandaan keluarga kedua belah pihak (paranak dohot parboru). Dung i dang marsibotoan dope di perange, ulaon siganup ari, adat hasomalan ni luat i, dohot sibaenon manang sihaadongon, ala ni ima dihaporluhon peran ni domu-domu.  Somalna sian boru do domu-domu on, unang gabe tubu parsalisian molo dang dapot dos ni roha.

Di Jabodetabek on, di tingki hori-hori dinding nama dipudun dos ni roha antara natoras ni si doli dohot natoras ni si boru taringot tu siulaon, sipatupaon dohot partingkian. Ai dang hea be masa nuaeng on dipaorohon sada boru tu sada baoa na so tinandana. Naung jumolo satahi do naposo na naeng marrumatangga i asa dilanjuthon tu natorasna mamingkiri ulaon adatna. Ala ni ido ingkon jolo tangkas do botoon ni paranak keinginan ni parboru, minimal tu ise bolahan amak, maksudna taru jual do manang alap jual, jala sadia hira-hira sinamotna. Ido na porlu jala ingkon tangkas. Ianggo so positif dope informasi taringot tusi, dang pintor olo ro paranak marhori-hori dinding tu bagas ni parboru, olo do fatal ujungna. Boha molo martahan masing-masing pihak, dang ala ni sibaenon, alai ala ni gengsi, apalagi molo hurang lambok panghataion, olo do mulak paranak jala bubar rencana parrumatanggan ni sidoli dohot siboru.

Tarsongon na haduk muse do molo langsung sungkunon ni paranak tu parboru, ala so adong dope patua hata. Lapatanna dang dioloi dope na naeng martondong, hape nunga pintor mangararati tu sinamot. Ala ni ido umbahen na jojot nuaeng on na naeng parumaen on disungkun natoras ni si doli i, hira-hira songon dia pangidoan ni natorasna, asa dapot gombaran di paranak taringot tu keinginan ni parboru i. Tontu patolhason ni siboru ma sungkun-sungkun on tu natorasna, di ise ulaon, sadia hira-hira sinamot najinalo ni parboru.

Dung i pe adong bohan ni paranak ro mandapothon bagas ni parboru. Borhat ma paranak marhori-hori dinding tu jabu ni parboru. Ukuran ni rombongan hira-hira dua ama, dua ina dohot sidoli na naeng mangoli. Songon i nang parboru, hira-hira dua ama, dua ina dohot siboru na naeng muli. Oleh-oleh do siboanon tusi, dang sipanganon, alana tujuan utama na laho marsitandaan do.

Selanjutna, elek ma hata ni paranak pasahathon sipangodoonna, dengan modal informasi naung binotona sian siboru. Dungi denggan ma ris dihatai sude. Sipata tarida do dison na marsiigilan (tar-menawar), dang sala i, ido adatna. Ala ni i antar naung tang manghatai ma nian binoan manghatahon i asa uli jala jojor dihatai sasude na laho sipatupaon di ulaon haduan.

Haduan di ari nabinuhul bersama, borhat ma paranak dohot uduranna tu huta ni parboru patua hata (admin, dilakukan minor editing tanpa mengubah isi).