| PEDOMAN ADAT PSDBJ |
Martonggo Raja/Marria Raja
Ditulis oleh Tim Adat PSDBJ (2025)
Saleleng on sai adong do sungkun-sungkun dia do na sintong, martonggo raja do manang marria raja? Alusna onma: TONGGO RAJA do goarna sian sudut pandang suhut na bolahan amak. RIA RAJA ma didok tu hasuhuton na ro mandapothon tu ulaon i (sidapot solup), Paranak manang Parboru pe i na mangulahon. Jadi, ise bolahan amak di ulaon, ima na Martonggoraja. Hasuhuton na ro mandapathon ulaon i, ima na marria raja…
Sisada ulaon do Debataraja di Jabodetabek, ima na nidokna Bidang ni Ulaon. Hasuhuton ima Horong, dohot Ompu sian Horong naung di pahot gabe saripe. Di Horong Marbulang nunga be marsaripe-saripe be pinompar na tu toru (ima pahompu ni Marbulang: Guru Sabungan, Tuan Sogar, Guru Manurbong, Girsang Matabun, Raja Paimaon, Pengalengge). Tarida do i molo mar-Tonggo Saripe suhut na marulaon i, nunga sian ompu na marpanamboli).
Di Tonggoraja/Riaraja on ma dihatai saluhutna na laho siulaon. Mardomu tusi ma hataan, rangrangan, siurupan dohot sitiroan ni dongan tubu, nang sian dongan sahuta, tarlumobi paniroion sian Pengurus/Siula Adat.
Hira sarupa nama nuaeng na ditaringoti di Tonggoraja dohot di Riaraja di parserahan on di bolahan amak dohot di sidapot solup, ndang pola godang bedana. Ala par gedung dohot par katering nama naumgodang berperan.
Tartallik hulinghuling, tarida holiholi. Molo hahana/anggina marulaon, anggina/hahana ma panamboli.
On do hata na sai ingkon begeon di ulaon ni namarhaha anggi. Jala on do dasor pangulaon na marpanamboli, asa tangkas ise partubu sihahaan, ise sianggian.
Ndang bahasonta be pola dison taringot tu na MARPANAMBOLI di Debataraja di Jabodetabek on. Nunga uli parsagina (saonari on) perihal tu ompu na SARIPE, na marpanamboli. Nunga diterapkan kembali on di LOKA KARYA ADAT PSDBJ, di Gunung Salak- Bogor, Tgl. 10-12 September 2017. Molo tung adong perkembangan nauli tujoloan ni ari haduan, denggan muse tasagihon; Babiat Naingol, Sampetua, Marbulang.
Angka ondeng ma na porlu botoon taringot tu martonggo raja/marria raja:
- Gokkon Tu Dongantubu, Boru, tu Pengurus ni Punguan/Pengurus ni Paradaton na laho mangulahon, tu na Mar-ompu2/Hahadoli-Anggidoli, dohot tu Dongan Sahuta.
- Hasuhuton paradehon Sipanganon TANPA NAMARGOAR (ndang mar Tudu2 ni Sipanganon).
- Tonggoraja niuluhon ni Koordinator Adat ni Ompu ni hasuhuton i (sebagai penanggung jawab disude nanaeng siulahonon) diadopi Dongantubu (haha-anggi), pengurus ni Punguan ni uluhon ni Tim Adat.
- Ketua Punguan ni Ompu Hasuhuton i do dohot Kordinator Adatna na bertanggungjawab di ulaon ni ompu i, jala Koordinator Adat PSDBJ ma penanggung jawab tu Punguan dohot tu loloan nabolon.
- Ditotophon ma disi angka siulaon dohot parsagi ni angka namangulahon; Ise Protokol, ise Raja Parhata, ise Pande juhut, dll, tarlumobi asa sahombar tu ulaon adat na niula ni PSDB Jabodetabek.
- Dipadalan ma Gokkon tu sude Horong/Ompu di Debataraja tu pesta unjuk i.
Debataraja Sejabodetabek do bidang ni ulaon, diaturhon ma asa sahat tu Horong natolu i.
Catatan: Di-posting admin_paradaton dengan minor editing tanpa mengubah isi.