Martumpol

Ditulis oleh Tim Adat PSDBJ (2025)

Martumpol on murni do urusan parhuriaon, gereja. Jala dang disude Huria/Gereja adong partumpolon.

Ra di Katolik dang partumpolon goarna laho persiapan perkawinan, suang songon i tahe di Huria Protestan pe godang do na so adong patupa acara partumpolon.

Alai ala sai somal dipadalan Undangan/Gokkon Jou-jou Partumpolon tu namardongan tubu, boru, dongan sahuta, denggan do i adopan, ala laos sian i ma somalna diuduti tu na mar Tonggo-Ria raja.

Ianggo na sasintongna na patumpolhon dijolo ni ruas ni huria i do namarsangkap marbagas sidoli dohot siboru oroanna i. Jala laos patangkashon na so adong be bogas ni masing2 calon i tu halak na asing. Tumpol ma ditaringoti disi disaksihon sude naro, jala masuk ma tu warta jemat ni huria i sampe mardua hali warta jemaat (HKBP), atik tung adong na berkeberatan na gabe pangambati di pamasumasuon parbagason.

Ulaon Martumpol, Marhata Sinamot, Martonggo-Marria Raja (3 M) dipatupa ma dibagasan sadari i. Jala molo tung adong pe na MANGAIN laos tong ma sadari i dipatupa (4 M).

Somalna molo patumpolon sai dihuria ni natoras ni siboru do dipatupa, alai boi do tong marpangidoan sian dos niroha. Alani i diusahahon ma asa laos jonok tu gareja partumpolon ima inganan laho Marhata Sinamot dohot Tonggoraja. Isarana aula manang ruang serbaguna ni gareja i.

 PELAKSANAAN  :

1. Paranak dohot Parboru mangundang haroro ni Dongantubu, Punguan, Boru-Bere, Raja Parhata, Dongan Sahuta, Ale-ale , dohot HULA-HULA nang TULANG.
2. Acara Gereja (oleh pangula ni Huria); Saksi dari kedua-belah pihak, tukar cincin, mandok hata mewakili masing-masing pihak, dan lain-lain sesuai na berlaku di Huria i.
3. Parboru PARADEHON makanan ringan, kopi-teh-lampet, atau sesuai kesepakatan kedua-belah pihak.

(di-posting admin_paradaton tanpa editing)